princess of love الأحد سبتمبر 27, 2009 12:35 pm
السلام على اهل السلام معلش يا جماعه اتاخرت شويه فى اليومياات عشان بحضر لفرحي عشان باقي عليه اسبوعين خلاص معلش والنهاارده ان شاء الله هبتدى اول يومياتى
نبتدى بمين فى الملايكه مين مين مين ............ الاول اعرفكم بيهم تانى
الحمد لله انا ام ل3 قمرات مطلعين عينى وخلاص تقريباا اتجننت على راى النااس اللى معاياا
زعيم العصابه بودى (عبد الرحمن ) 7 سنين ونص .... مواصفااته بقى ايه هو قوى الشخصيه اوى زياده عن اللزوم والدلوع لانه طبعاا اول طفل اسفه انى بقول طفل لان مفيش اطفال اليومين دول
والتاانيه بنوته سوما (سلمى )5 سنين ونص.... ومش عاوزه بقى اقول شكلها حلوه اموره يعنى طبعاا طالعه لابوهاا وشكلهاا هادى ورقيقه فى كلامهاا ولا صفااتهاا بقى بقى سوسه تعمل كل عامله وعامله ولا يباان وتلاقيهاا هااديه اوى كدا تجننك يعنى
والتالت مورى (عمر)اخر العنقود زى ما بيقوله عنده 8 شهور شكله كوكتيل كدا بين سوما وبودى حلو موحش بس قرب يتكلم خلاص واكيد عاارفين مين السبب ارق طفلين فى العالم كدا انتو اتعرفتوو على الملايكه
نبتدى بقى اليوميات دلوقتى على راى سوماا بمين اه البااشا الكبير زعيم العصابه
ادب ايه اخلاق ايه نصب ايه واد محترم محترم صراحه نبتدى من دلوقتى
بودى جه من المدرسه هو فى سنه تانيه ابتدائى شهاده يا ناس بيقولى هاتى مصروف قولتله ليه مانت واخد الصبح بيقولى الام الطيبه بتدى لاولادهاا مصروف 3 مرات فى اليوم هو المفروض كدا ولا الواد بيشتغلنى طبعاا انا رفضت قالى والله لما يجى بابا لاقوله بيخوفنى بابووه هو مين اللى يخوف مين ماعاليناا راح كتب جواب كالعاده وقال فيه انه زعلان منى ومخااصمنى ومش هيصالحنى الا لما اديلو فلوس طبعاا اناا فرحانه اوى هترحم منه النهاارده مش هيتكلم معاياا لانى مش هديلوو فلوس
اما سوما هانم كعب الغزال قامت النهارده سخنه ومش راحت المدرسه وقاارفانى اوى صراحه دلع ما بعده دلع بقى ماما هاتى ميه اشرب ماما غير ال تى فى ماما كارتون لو سمحتى عشان انا تعباانه والمفروض انى اقول حاضر عشان مش تعيط ويجليهاا صداع زى ما بتقول
ونيجى عند الملاك البرىء مورى عمر حتى الشمال مورى دلوقتى بيمشى بالمشايه وطبعاا مفيش مفرش او طفايه او اى حاجه توحد ربناا على طراابيزه والسبب مين مورى طفل ال8 شهور ولما اخد منه ايه اى حاجه بيغضب ويعيط تخيلو اومال انا اعمل ايه انتحر ؟
ياللا طولت عليكو النهاارده وبكرا ان شاء الله نكمل لانى لازم اقوم اذاكر لبودى عشان عنده امتحانات انتو بقى عاارفين شهاده يا ناااس ياللا سلام عليكم ويارب اليوميات دى تعجبكم
الرئيسية
» حصريا لأحلى منتدى :- يوميات أم متبهدلة
» اسوا قصة حياة
» مين احلى عضو فى المنتدى
» اللي يوصل لرقم 5 يختار افضل 5 اعضاء في المنتدي
» اعصر ليمونة حامضة فىفم اى عضو
» مسابقة المفتش كرومبويا الجديدة تحت اشراف princess of love فقط
» صور تاخد العقل من روعتها
» روميو و جوليت